एसिड किन-बेच र सचेतना
देशका विभिन्न राज्यका विभिन्न भागमा घरिघरि ‘एसिड काण्ड’ भइरहेको घटनापछि अब एसिड बिक्रीमा कडा नियम तय गरिएको छ। हालैमा सुप्रीम कोर्टद्वारा एसिडको बिक्रीलाई लिएर तय गरिएको मार्ग निर्देशलाई राज्य सरकारहरूले लागू गर्ने इच्छा गरेका छन्। यसमा कतिपय राज्य सरकारको तर्ङ्गबाट बिना परिचय-पत्र एसिड किन्न नसकिने बताइएको छ। यदि एसिड किन्न परे कति मात्रामा एसिड चाहियो यो नबताएर कुन कार्यको निम्ति यो चाहियो स्पष्ट गरिनुपर्नेछ। यदि यस्तो भयो भने म्यूरेटिक एसिड र एसिटिक एसिड किन्नु पनि साधारण मानिसहरूलाई समस्या हुनसक्छ। देशभरिमा एसिडद्वारा हुने दुर्घटनाहरूलाई ध्यानमा राकेर कोलकाता पुलिसको माध्यमद्वारा प्रत्येक थानालाई निर्देशिका पठाइएको बताइएको छ।
निर्देशिका अनुसार प्रत्येक दोकानमा एक लग बुक वा रेजिस्टर राखिनु पर्नेर्छ। बिक्रेताले एसिड किन्नेको नाम, ठेकाना, सबै कुरा विस्तारित रूपमा लेख्नुपर्नेछ। कोलकाता पुलिसका डीसी तथा जिल्ला स्तरमा एसडीओले 15 दिनमा दोकानहरूको एसिडको हिसाब राख्नुपर्नेछ। स्कूल र कलेजहरूमा पनि एसिडको व्यवहार हुन्छ भने यसको निम्ति भिन्नै निर्देशिका छ। ल्याबोरेटरीको दायित्व एक व्यक्तिलाई दिनुपर्छ, जसले प्रत्येक ग्राम एसिजको हिसाब राख्नेछन्। ल्याबबाट निस्किनअघि विद्यार्थीहरूको छानबीन गर्नु आवश्यकता छ। एसिडसित सम्बन्धित कुनैपनि सानोभन्दा सानो भूल पाइएको खण्डमा सुप्रीम कोर्टका नियमहरू अनुसार 50 हजार रुपियाँ कुनै पनि संस्थान वा व्यक्तिमाथि जरिमाना हुनेछ।
सिक्किमको सन्दर्भमा अहिलेसम्म यस्ता घटनाहरू भएको प्रकाशमा आएको छैन। यद्यपि, यहाँ समय-समयमा चोरी, बलात्कार, हत्या इत्यादि जघन्य अपराधहरू भइरहेका छन् भने के देशका अन्य राज्यहरूमा जस्तै यहाँपनि भोलि त्यस्तै ‘एसिड काण्ड’ हुँदैन भन्न सकिएला त? निश्चय ठोकेर भन्न सकिन्न। हामी चाहन्छौं देशमा आज जुनप्रकारका ठूला घटनाहरू भइरहेका छन्, त्यस्ता कुराहरूबाट हाम्रो शान्तिप्रिय राज्य सिक्किम टाडै रहोस्। यहाँको शान्ति-शृङ्खला भङ्ग नहोस्। यसका लागि हामी सम्पूर्ण सिक्किम र सिक्किमेली सचेत रहनुपर्छ। कुनैपनि घटणा भइसकेपछि ती कुराहरूको विरोध गर्नु र सम्बन्धित कुराहरूमाथि मानिसहरूलाई जागरूक गराउनु, सचेत गराउनुभन्दा त्यसता घटनाहरू हुनै नदिऊ। यो नै हाम्रो बुद्धिमता ठहर्ला। त्यसैले सिक्किममा पनि ‘एसिडको बिक्री र खरिददारी’ मा हामी सबै अघिबाटै सचेत रहन आवश्यक हुन्छ, जसले गर्दा पछि कुनै अपराध, कुनै घटना नहोस्।-10.01.2014
