जीवन

मात्रै पानी त रहेछ
कुलो जस्तै, नदी र पानी,सागर जस्तै
बगिरहने निरन्तर कहाँ रोकिन्छ र आफै?

फरक त्यति रहेछ...
हामी देख्छौ-हेर्न सक्छौं
पानी ठोकिन्छ यताउति, ढुङगा-मूढाहुँदी
कहिले छचल्किन्छ किनारहुदो
नित्य तर बगिरहन्छ पानी
जीवन तर देखिँदैन त्यसरी
भोगाई पो रहेछ यो त।

ठोक्किनु त्यसरी नै ठोक्किदो छ
छचल्काई उस्तै अनि
बगाई जीवनको पनि त निरन्तर छ
तर देख्दैनौं हामी।

पानी त्यो कुल्लो खोल्सा र नदी-सागर हुँदै
महासागरमा मिल्न पुग्छ
अनि,जीवन....।

जीवन, यो इच्छा हो
आकाड्क्षा र सपना हो
दु:ख-सुख, आँसु र हाँसो हुँदै
अन्त्यमा जीवन
शून्यमा विलीन हुँदोरहेछ
नभए त यो जीवन
मात्रै पानी जस्तो त रहेछ, मात्रै पानी जस्तो॥
---000---